Монгол

Эрүүл энхийг дээдийн жаргал хэмээн эрхэмлэдэг ард түмэн маань олон мянган жилийн тэртээгээс уйгагүй ажиглалт, оролдлого, судалгаа шинжилгээ, дадлагад тулгуурлан монгол эмнэлэгийн оношлолт, эмчилгээ заслын өвөрмөц арга ухааныг цогцлон бүтээсээр иржээ. Уг номын зохиогч үнэт өв тасрах дөхсөн сайн уламжлалыг сэргээхэд хүчин зүтгэх нь өнөөгийн соёл, шинжлэх ухааны ажилтны эрхэм үүрэг мөн хэмээн үзэж хүч бололцоо, сурч мэдсэнээ дайчлан хүн арддаа өчүүхэн төдий боловч дэм болох үүднээс эрдэмт оточ мэргэдийн ном судраас уншиж мэдсэн хийгээд өөрийн орны болон Өвөрмонголын өтгөс эмч маарамбуудаас олж сонссон зүйлээ эвлүүлэн бичиж 'Монгол эм домын засал' хэмээх энэхүү бяцхан дэвтрийг уншигч танаа өргөн барьж байна.  