ШУА-ийн Хэл зохиолын хүрээлэнгийн Алтай судлалын өв нь Монгол нутаг дахь Эртний Түрэг бичгийн дурсгалыг судлах талаар багагүй анхааран ажиллаж, энэ чиглэлээр үүний өмнө 'Орхон бичгийн дурсгал' сэдэвт 4 боть бүтээл хэвлүүлж тэдгээрт Монгол нутаг дахь Эртний Түрэг бичээсийн судалгааны тойм, бага бичээсүүд, Тоньюкук, Күлтэгин нарт зориулсан гэрэлт хөшөөний бичээс зэргийг эрдэм шинжилгээний удиртгал, латин галиг, эхийн сийрүүлэг, гэрэл зураг, орчин цагийн монгол хэлээрх орчуулгын хамт хэвлүүлсэн билээ. Энэ удаа тус бүтээлийн үргэлжлэл болгон Моюнчурын гэрэлт хөшөөний бичээсийн судалгааг уншигчдад толилуулж байна. Энэхүү дурсгал нь Уйгур улсын эхэн үед хамаарах сурвалж болохын хувьд түүх-хэл бичгийн чухал сурвалж болно.