Байгаль орчин, газар нутаг, ургамал, ус, амьтнаа хайрлан хамгаалж шүтэн дээдэлж ирсэн өвөг дээдсийн маань сайхан уламжлалт ёс заншлыг өнөөгийн болон хойч үеийнхэндээ өвлүүлж үлдээх зорилгоор уг нэвтэрхий тольд ардын ёс заншлыг түлхүү оруулсан байна. Шинжлэх ухааны академи, Боловсрол шинжлэх ухааны яамны төрөл бүрийн мэргэжлийн эрдэмтэд, багш нарын хичээнгүй зүтгэл чармайлтаар бүтсэн энэхүү толь байгаль хамгаалагч, оюутан, сурагч, малчин тариаланч хэнд ч болов хэрэглэхэд хялбар, энгийн ойлгомжтой хэл найруулгаар бичигдсэн ба 3000 орчим өгүүлэл, 300 гаруй хавсралт зураг тайлбар багтсан байна.