Эрхэм уншигч таны гар дээр МУ-ын төрийн соёрхолт нэрт яруу найрагч Ринчиний Чойномын 'Сүмтэй бударын чулуу' шүлэг, найраглалын номын хоёр дахь хэвлэл хос дэвтэр очиж байна. Уншигчдын эрэлт хэрэгцээнд зориулан Р.Чойномын өвийг хамгаалах 'Өд' сан, 'Жиком пресс' хэвлэлийн газар уг номын анхны хэвлэлийг уг санд хадгалагдаж байгаа зохиогчийн эх гар бичмэлтэй тулган нягтлаад орхигдсон мөр шүлгүүдийг нэмж оруулаад дахин хэвлэжээ.