Нүүдэлчин удамт монгол түмэн бид ургамал, мод тэр дундаа тасалгааны цэцгийг тарьж бараг мэддэггүй улс. Тасалгааны цэцгийг тухайн сонирхогчдоос бусад нь нэг их тоодоггvй байсан цаг саяхан. Гэхдээ нэг үеэ бодвол цэцэг сонирхогчдын тоо эрс нэмэгдэж таримал цэцэг, өөрөөр хэлбэл тасалгааны цэцгийг тарьж ургуулан бие биедээ бэлэглэх явдал их болжээ. Иймээс уг номонд манай оронд түгээмэл тархсан 100 гаруй цэцгийн ургах нөхцөл, арчилгаа, үржүүлэх арга, ургамлын өвчин үүсгэгчтэй тэмцэх болон орос, латин, монгол нэрийн хэлхээсийг багтаажээ.