Гадаад, дотоодын их, дээд сургуулийн анагаахын оюутнууд, шинээр төгссөн залуу эмч, судлаач, эрдэм шинжилгээний ажилтан нарт өөрсдийн мэдлэг оюунаа баяжуулахаар уншиж боловсрох явцад нь нэмэр болох үүднээс анагаахын нэр томъёоны ухагдахууны дэлгэрэнгүй тайлбар толийг Англи-Орос-Латин-Монгол дөрвөн хэлээр 13000 үгтэй 2 боть болгон хэвлүүлжээ. Анагаахын нэр томъёо, ухагдахууныг латин үг хэллэгтэй оруулсан нь монгол, орос, англи хэлнээс өөр хэл дээр сурч буй оюутан, эмч, судлаач нарт хэрэгцээтэй гэж үзсэнийх болно. Учир нь анагаахын үг хэллэг дэлхийн улс гүрнүүдэд ялангуяа Европын ихэнхи орнуудад өндөр ач холбогдолтой хэвээр, одоо ч мэргэжил нэгт хүмүүсийн харилцах гүүр болсоор байгаа билээ.