Эцэг эхчүүд хүүхдийн хүмүүжлийг хүүхэд ахуй цагт нь өмсөж зүүлгэх, идэж уулгах, үндсэн хэрэгцээг нь хангаж, өсвөр насанд нь сургуульд сургаж янз бүрийн хэрэгцээг нь хангаж, дараа нь тулгыг нь засч, гэр бүл болгон, ажил амьдралтай болгох төдийхнөөр ойлгодог. Жижигхэн үрийг тарьж, том мод болгон ургуулахын тулд хөрсөнд гүн суулгаж, соёолуулахын зэрэгцээ соёолон ургасан суулгацыг мод болгоход ихээхэн ажиллагаа, арчилгаа хэрэгтэй байдаг. Өнөөгийн гэр бүлийн бүтцэд олон янзын өөрчлөлт бий болдог ч, үр хүүхдээ сайн хүмүүжүүлж, нийгэмд тустай хүн болгох нь гэр бүлийн үндсэн үүрэг байдаг. Гэр бүл, энэхүү үүргээ амжилттай биелүүлэхийн тулд олон төрлийн мэдлэг, мэдээлэлтэй байх хэрэгтэй. Эцэг эхчүүдийн дутуу мэдлэгийг гүйцээх зорилгоор бичсэн энэхүү ном нь хүүхэд наснаас залуу насанд шилжиж буй хүүхдийн ерөнхий зан төлөвийг агуулсан болно. Номонд орсон мэдээ, мэдээлэл шинжлэх ухааны болон шашны үндэслэлтэй юм.