Буриад судлалын академийн үйл ажиллагаа сүүлийн жилүүдэд тогтмолжиж, олон нийтийг хамарсан болон тусгай эрдэм шинжилгээний туурвилыг дор бүрнээ хийж ирсэн ба өнгөрсөн хугацаанд цөөнгүй хэдэн эрдэм шинжилгээний бага хурал, хэлэлцүүлэг, зөвлөгөөнийг амжилттай зохион байгуулж, олон тооны илтгэл, өгүүллийг манай эрдэмтэд бичжээ. Буриад судлалын эрдэм шинжилгээний бичгийн энэ удаагийн дугаарт сүүлд зохион байгуулсан хурлын илтгэлүүдээс болон зарим судлаачдын буриад судлалын өгүүллүүдийг эмхтгэн та бүхэнд хүргэж байна.