Улс орны хөгжилд геологийн гүйцэтгэх үүрэг жил бүр нэмэгдэж, дэлхийн геологи, уул уурхайн нэртэй том компаниуд монголын байгууллага, хувь хүмүүстэй хамтарч төрөл бүрийн ажлыг өргөн хүрээтэй хийж, шинэ шинэ орд газрыг нээж байна. Ийнхүү геологийн ажил, түүний дотор гадаад орнуудын геологийн байгууллагуудтай хамтарч ажиллах явдал ихээхэн өргөжиж буй үед тухайн компаний инженер, техникийн ажилтан, ажиллагсдад геологийн англи хэлийг сурах явдал нэн чухал болж байна. Иймд ОХУ-ын эрдэмтэн Л.Д.Долинская, Н.Г.Киткова, Т.Ю.Сафьянникова нарын бичсэн 'Геологчийн англи хэлийг түргэн сурах бичиг' хэмээх номыг орчуулан хүргэж байна. Сурах бичигт англи хэлний дуудлага, дүрэм, геологийн нэр томьёо, геологийн тогтоц, үйл ажиллагаатай холбоотой үг хэллэг, дасгал, унших материалууд орсон болно.