Энэхүү сурах бичиг нь алдарт лимбэч, УГЖ Цэрэндорж багш бид хоёрын 1979 онд зохион хэвлүүлсэн 'Лимбийн сурах бичиг' -ийн шууд үргэлжлэл бөгөөд II дэвтэр нь болой. Миний бие энэ сурахыг бичихдээ юуны өмнө лимбэтэй барил, багтаамжаар ойр төсөөтэй үлээвэр хөгжмийн зэмсгүүдийг сайтар судалсны үндсэн дээр лимбээр хөгжимдөх apra, барилыг улам боловсронгуй болгох, бүх төрлийн штрих, (хөгжимдөх онцлог төрлүүд), нюанс (ялгаа)-ыг зөв илэрхийлэх, хагас шат (полутон)-уудыг цэвэр дуугаргах, хуруу болон хэлний техник мэдрэмжийг өргөжүүлэн баяжуулах, амьсгалын apra барилыг зөв хэрэглэж сургах зэрэг үйл ажиллагааны олон талт зорилгыг дэвшүүлэн тавьсан юм. Үүнчлэн 1-4 хүртлэх бемоль болон 1-2 диезтэй хөг эгшиглэгээт (тональ) аяз, бүтээлийг түүртэхгүйгээр хөгжимдөх дадлыг баттай эзэмшүүлэх зорилготой хэрэглэгдэхүүнийг өргөн тусгав.