Монгол

Өнөедөр манай оронд барилга, барилгын материалын үйлдвэрлэл эрчимтэй хөгжиж байгаа учир барилгын үйлдвэрлэлд гадаад орнуудаас олон нэр төрлийн барилгын материал, хийц эдлэлүүд орж ирэх болсон.  Энэхүү сурах бичигт барилгын материал, хийц эдлэлийн үйлдвэрлэлийн элс хайрга цемент, шохой, гөлтгөнө, эрдэс хөвөн, шавар, керамзит, дуу болон дулаан тусгаарлах материалын, бетон, төмөр бетоны, царууц болон керамик тоосго хавтанцар, блок,ханын материал, шилний' ба барилгын бага механикжуулалтын машин, механик болон цахилгаан тоног төхөөрөмжүүдийн хэрэглэх хүрээ, ангилал, зориулалт, хийц, бүтэц, ажиллагаа, технологийн болон зохион бүтээлтийн тооцооны үндсийг тодорхой дэс дараалал, стандартын дагуу гадаад орны техникийн сурах бичгийн агуулгын хүрээнд тайлбарлан бичлээ.  Мөн эх орны түүхий эдийг ашиглан барилгын үндсэн материал, хийц үйлдвэрлэх орчин үеийн шинэ дэвшилтэд технологи бүхий барилгын үйлдвэрүүд олноор байгуулагдаж байна. Иймд барилгын бүтээц, түүхий эд материал, хийц, эдлэлийг үйлдвэрлэх технологийн машин тоног төхөөрөмжүүдийн талаар зохих хэмжээний мэдлэгтэй байх нь барилгын салбарт ажиллагчдын нэгэн чухал зорилт болж байна.  