Зэрлэг байгаль дээрх амьдралын сэтгэл хөдөлгөм үй олон нууцыг маш ойрхноос дэлгэн харуулсан энэхүү бүтээл нь амьтад болон тэдний зан төрхийн талаарх гайхамшигт судалгаа болсон билээ. Энэхүү номыг сонгон уншсанаар та амьтдын биологийн онцлог төрхийг олж мэдэхээс гадна тэдний тархац, онц сонирхолтой амьдралын хэмнэлтэй танилцах бүрэн боломжтой болно. Олон улсад танигдсан алдартай амьтан судлаач, Амьтдын ертөнц телевизийн нэвтрүүлгийн хөтлөгч Шарлот Уленбрукийн ахалсан судалгаа нь амьтдын амьдралыг бидэнд ил тодоор харуулах зорилготой. Хөхтөн амьтад, шувууд, хэвлээр явагчид, хоёр нутагтан, загас, сээр нуруугүй амьтад зэрэг бүх төрлийн амьтны аймгийг харуулсан ном юм. Энэ ном нь амьтны аймгийн ангилал зүйн талаарх шинэлэг үнэлэлт болон амьтны анатомийн тухай дэлгэрэнгүй бичиглэлээр эхэлнэ. Амьтдын зан араншингийн хэдэн зуун жишээг тайлж тайлбарласан олон янзын зураг чимэглэлээр баяжуулсан каталоги хэсэг нь энэ номын гол цөм юм. Хэдэн зуун дамжсан нүүдлээс авхуулаад эвцэлдэх нарийн нандин зан төрх хүртэл, ан хийх сэтгэл догдлом арга барилаас амьд үлдэх маш ухаалаг стратеги хүртэлх бүх амьтдын амьдрал энд багтжээ. Энэхүү сэтгэл татам гайхамшигт ном нь онгон зэрлэг байгалийг сонирхогч хүн бүрд зайлшгүй байвал зохих гарын авлага юм. Энэ номыг сонгох 5 шалтгаан: 1'. Мэргэжлийн ойлголтыг энгийн үг хэллэг, өгүүлбэрээр тайлбарласан. 2'. Утга агуулга товч бөгөөд тодорхой учир та хайсан мэдээллээ хялбархан олно. 3'. Судалгааны бүтээлүүдийн цогц учраас нэгдсэн мэдлэг, мэдээллийг авах боломжтой. 4'. Бүхий л амьтдын зан авир, амьдралын хэв маяг, биологийн үржил, тархац гэх мэт олон талт мэдлэгийг багтаасан. 5'. Үг, өгүүлбэр бүрийг зураг, графикаар харуулснаар энэ төрлийн бусад номоос давуу талтай.