Энэхүү ном бол бид бүгдийн амьдарч байгаа энэ хорвоо ертөнцийн энгийн атлаа гайхамшигт нууцыг 2500 жилийн өмнө Бурхан Будда айлдсаныг гэвш Майкл Роач орчин үеийн сэтгэхүйд тааруулан тайлбарласан бүтээл юм. Энэ ном танд ажил бизнестээ хүссэн амжилтаа гаргаж өөрийн болон бусдын амьдралыг аз жаргалаар бялхуулж байх агуу хүчийг ойлгоход тань тус болно. Бурхан Буддагийн хүн төрөлхтөнд хайрласан энэ ном нь эхлээд уншихад дэндүү нуршуу, сонирхолгүй, эсвэл бүр дэндүү ойлгомжтой ч юм шиг танд санагдаж магадгүй. Аливаа юмс яаж ажилладагийн нууц, бидний өдөр тутмын амьдрал болон бизнест үнэн бөгөөд жинхэнэ амжилтанд хүрэхийн нууц бол гүн гүнзгий зүйл учраас түүнийг хичээл зүтгэлгүйгээр ойлгож чадахгүй. Гэхдээ хичээл зүтгэлийн шагнал нь том бөгөөд тодорхой байх болно. Энэ номтой учирсан буян нь ухаарсан буян болон дэлгэрч өөртөө болон бусдад хязгааргүй аз жаргал бэлэглэх болно.