Дасгалжуулагчийн ажлын үр дүн нь өмнөө тавьсан зорилтоо дагсалжуулалтын тодорхой програмтайгаа хэрхэн бүтээлчээр уялдуулж чадах авьяас чадвартай нягт холбоотой байдаг. Дасгалжуулагч хүн том зорилтыг дэвшүүлж ажилладаг бөгөөд уг зорилтдоо хүрч, жудочдыг тив, дэлхий, олимпийн тэмцээнд өндөр амжилт үзүүлэхэд сургалт дасгалжуулалтын ажлаа явуулах урьдчилсан нөхцөл нь бүрдсэн байх ёстой. Сургалт дасгалжуулалт явуулах заал, танхим, дэвжээ 'татами' болон эдийн засаг, санхүүгийн боломжоор хангагдсан байх хэрэгтэй. Уг сурах бичигт дасгалжуулагчийн мэргэжлийн бэлтгэлд тавигдах шаардлага, бүтээлч үйл ажиллагаа, арга зүй, ур чадвар, чиг хандлага болон сурган хүмүүжүүлэх арга барил, хариуцах ажлын төрөл, зүйл, ажлаа төлөвлөх, сургалт-дасгалжуулалтын ур чадвар, өөрийгөө боловсруулах, зохион байгуулах, тамирчдыг бэлтгэх тогтолцоо, бэлтгэлийн хяналт, судалгаа зэрэг сургалт-дасгалжуулалтын ажлын талаар дэлгэрэнгүй бичсэн байна.