МУИС-ийн Худалдааны сургуулийн Худалдаа, маркетингийн тэнхимийн багш Д.Нарантуяа нь Монгол Улсын худалдааны салбарт мэргэжлийн боловсон хүчин бэлтгэх үйлсэд 30 гаруй жил өөрийн хөдөлмөр, оюун ухаан, мэдлэг чадвараа зориулж яваа ахмад багш нарын нэг. 2001-2008 онд Монгол Улсын Засгийн газрын 'Бөөний худалдаа сүлжээ хөтөлбөр'-ийг хэрэгжүүлэх ажилд биечлэн оролцож Баянхонгор, Завхан аймгуудын төсөл дээр амжилттай ажилласан. 2012 онд ХХААХҮЯ-ны 'Худалдааны салбарын суурь судалгаа'-ны ажлын хэсгийг ахлаж ажилласан ба худалдаа эрхлэгчид хийгээд оюутан сурагчдад зориулж сурах бичиг, гарын авлага бичиж олны хүртээл болгосон бүтээлч багш юм. 'Худалдааны технологи', 'Олон улсын бизнесийн харилцааны соёл', 'Худалдаалах урлаг' зэрэг сурах бичиг, 'Дэлгүүрийн талбайн төлөвлөлт', 'Жижиглэнгийн худалдаачдад' зэрэг гарын авлага мөн түүний хамтран боловсруулсан 'Худалдааны газрын болон агуулахын стандарт' нь одоо ч худалдааны салбарт мөрдөгдөж байна.

Чойндонгийн Онгоодой 1935 онд Говь-Алтай аймгийн Төгрөг сумын нутаг Улаан- Энгэрийн ам хэмээх газар төрсөн. Яруу найрагч, үргэлжилсэн үгийн зохиолч. Хүндэт доктор, профессор цолтой. 1949 онд бага сургууль, 1937 онд Худалдааны техникум, 1967 онд ЗХУ-ын Ленинградын худалдааны дээд сургуулийг хүнс судлаач мэргэжлээр төгссөн. 1938 оноос уран зохиол сонирхон оролдож 'Анчин' (1962), 'Алтай' (1994), 'Хаан тамга' (1997), 'Алаг хорвоо' (2000), 'Алтан төгрөгийн унага' (2002), 'Наран хотын ноёд' (2002, 2010), 'Хан тэнгэрийн сахиус' (2004), 'Олз омог (2005)', 'Огторгуйн цагаан үүл' (2006), 'Гурван Тамирын гурвалжин' (2007) , 'Орчлонгийн өнгө зүс' (2010), 'Миний тоонот' (2010), 'Хөх тойром' (2012), 'Зээргэнэ шиг тачир зэрлэгхэн шүлгүүд' (2014), 'Ийм л хол Алтай даа' (2014) зэрэг яруу найраг, өгүүллэг, тууж, үлгэр, туульсын номууд нийтлүүлсэн. Шилдэг бүтээлээрээ МҮЧЗХ-ны болон Ч. Лодойдамбын нэрэмжит шагнал хүртжээ.