1939 оноос 1984 оны хооронд баримтат кино хорь гаруй, мөн төдий хэмжээний уран сайхны киног бүтээхдээ зураглаачаас найруулагчийг хүртэл урлагийн жинхэнэ 'хар ажилд' заяамал авьяас, хар ухаан, хичээл чармайлтаараа зүтгэсэн ийм хүн манай урлаг, соёлын түүхэнд хуруу дарам цөөхөн бөгөөд монгол кино урлагийн түүхэнд бол ганц хуруу дарах нэгэн байсан Жигжидийн гавьяа зөвхөн XX зууны монголчуудын оюуны баялгаар барахгүй цаг хугацаа улиран удах тусам улам үнэд орсоор байх нандин өв юм. Түүний найруулан түмэн олондоо өмчлүүлсэн уран сайхны хорь гаруй киноны дотроос мартагдаж гээгдсэн нь тэр гэхээр нэгээхэн нь ч XX зуундаа хоцроогүй харин XXI зуунд идэвхитэй үзвэрийн дэлгэцийг эзэгнэн орж ирсэн юм. Энэ ном өнгөн талдаа киноны буурал Жигжид гуайн амьдрал уран бүтээлийн намтар мэт санагдавч уг чанартаа улсын түүхийн нэгэн хэсэг юм.