Монгол

С.Есүй хар багаасаа хөдөөгийн сайханд сэтгэл баясч, адууны үнэрт таашааж, адуу янцгаахад хөөрөн баярладаг хүүхэд байв. Орон хот газар төрж өссөн бүсгүй хүүхэд мөртлөө адуунд тэгтлээн сэтгэл зүрхнээсээ дуртайгаа тэр өөрөө үл мэднэ. Аав ээж нь хөдөө төрж өссөн болохоор түүний энэ хүслийг дагуулан гэртээ урлагийн морьд цуглуулж эхэлсэн байна. Есүй охин олон сонирхолтой дүр зүстэй урлагийн морьдоороо ном бүтээе гэж шийдээд “Есүйн морьд” хэмээх номоо хэвлүүлсэн байна. Түүний модон морьдын ихэнх нь уран барималч С.Бадралын “хураасан адуунаас” ирсэн морьд, мөн аав ээжийнх нь найз уран сийлбэрч, зураач урчуудын бэлэглэсэн зүстэй морьд. Монгол хүн бүр адуунд хайртай, адуутай байдаг. Түүний урлагын морьд, унаган адуу цөм өссөөр, тэр том болсоор. Тэрээр монгол морьдоо урлагийн дүрээр илэрхийлдэг уран бүтээлч болох хүсэлтэй аж.  