Энэ номд судлаач профессор Д.Чулуунжав хүн төрөлхтөний өнгөрсөн түүхийн урт, гинжин хэлхээ дэх гол, чухал үйл явдлуудын цаад учир, далд шалтгаан, гүний утга, дам уялдаа зэрэг нууцлаг, нарийн холбоо, нөлөөллийг гарган тавихыг зорьжээ. Уг ном нь 'Түүхийн өмнөх түүх'-ийн философи, түүний өнөөгийн зарим асуудал, Дэлхийн түүхийг үзэх, судлах онол, аргазүйн орчин үеийн зарим асуудал, Хүний үүсэл, хувьслын философи, Иргэншлийн эхлэл, Ази, Европ, Африк, Америк дахь иргэншлийн гол төвүүдийн шинж байдал, үр дагавар, Ард түмнүүдийн оюун санааны амьдралын цэцэглэлт, Дундад зууны үеийн Ази, Европ, Африк, Америк тивийн улс орнуудын холбоо, харилцаа, нөлөөлөл, Уламжлалт нийгмүүдийг дэвшил, хөгжилд хүргэсэн арга, механизм бол шаталсан шинэчлэлүүд мөн, Аж үйлдвэржилтийн хувьсгалаас төрсөн улстөрийн хувьсгалууд, Том эзэнт гүрнүүд хийгээд их хаадын оршихуйн учир, зорилго, үр дагаврын асуудалд, Дэлхийн дайнуудын дараах хүн төрөлхтөн, Түүхээс үлдсэн сургамжийн философийн зарим асуудал гэсэн 9 хэсгээс бүрдэнэ.