Манай орны хувьд алт, зэс, цайр, висмут мэтийн үнэт, өнгөт, ховор металл ба төмрийн хүдэр, коксжих нүүрс, хайлуур жоншны нөөц тэдгээрийн олборлолтоор дэлхийд тэргүүлэгчдийн хэмжээнд хүрэх, мөн металлургийн үйлдвэрлэл хөгжүүлэх боломж, шаардлага улам бүр нэмэгдсээр байна. Уг номын зохиогч Л.Дандий өөрийн боловсрол, мэдлэгтээ тулгуурлан “Металлурги” хэмээх 2 дэвтэр номынхоо “Хар металлурги ” нэртэй тэргүүн дэвтэртээ хар металлургийн үйлдвэрлэлийн түүхий эд, түүнийг урьдчилан бэлтгэх арга, техник төхөөрөмж, хайлуулах зуух, хайлах процесс, хорт хольцыг зайлуулах зэрэг сонгомол техник-технологийг дэлгэрэнгүй тусгасны зэрэгцээ металлургийн процессын онолын ухагдахуунаас чухал хэсгийг түүвэрлэн оруулжээ.