Ягштал зөв тооцоолох, бие даан шийдвэр гаргаж, алсыг харсан өргөн цартай төлөвлөлт хийх, байгалийн араншин болоод хувирлыг мэдэрч хариу үйлдэл хийж сурах, өөрийгөө ялан дийлэх нь нисгэгч хэмээх мэргэжлийн онцлог. Тэд бол бусад мэргэжлийнхнээс илүү өргөн сэтгэдэг, олон талт чадвар бүхий хүмүүс. Энэ номонд Нисэх хүчний түүхийг бүтээлцсэн 32 алдартны ажил амьдралын түүхийг өгүүлнэ. Нисгэгч байна гэдэг үнэхээр онцгой учир тавилан, чанд хатуу үүрэг хариуцлага, дэг журам, ёс суртахуун, тэсвэр тэвчээрийн бэлгэ тэмдэг ажээ.