Бурхнаас бидэнд өгсөн хамгийн том бэлэг бол нүглээс ангижрах юм. Хүн нүглээс болж Бурханаас холдсон ба тийм учраас жинхэнэ аз жаргал, баяр хөөр, ивээлийн оронд нүглийн ял, гэм, зовлон, айдас, харанхуй дунд бүдчин явах болсон. Энэ бүгдээс зөвхөн нүглээс ангижирснаар гарч чадах юм. Библид нүглээс ангижрахын жинхэнэ үнэн нь нууц байдалтай байдаг. Нааман жанжин уяман өвчнөөс цэвэр болон гарч ирсэн тухай бичсэн нь биднийг уяман өвчинтэй адил нүглээс хэрхэн ариутган гаргаж болохыг заах зорилготой бөгөөд Давид хаан Уриагийн эхнэртэй гэм үйлдсэн үнэнийг бичсэн нь мөн адил бид хэрхэн гэмээс ангижирч болохыг мэдүүлэхийн тулд юм. Өнгөрсөн жил Пусаны Мүгүн ордонд хийсэн цуглаанаас би гэмших талаар гэрчлэл хийсэн. Бусад үетэй адил олон хүмүүс гэмээс болж зовдог бөгөөд гэмээс ангижрахыг чин сэтгэлээсээ хүсдэг болохыг мэдэрч байлаа. Тэр цуглаанаар дамжуулан олон хүмүүс гэмээс ангижирч дахин төрсөн. Тэр үед Ариун Сүнсний хүчээр гэмээс ангижирсантай адил энэ номоор дамжуулан олон хүмүүс гэмээс ангижрахыг чин сэтгэлээсээ хүсч байна. Надад болон энэ ард түмэнд авралын сайн мэдээгээ өгсөн Бурхан Эцэгт талархаж байна. Зохиогч