Увс нутгийн хүү Буяннэмэхийн Бат-Эрдэнэ нарын нөр хичээнгүй, уйгагүй хөдөлмөрийн үр дүнд бүтсэн энэхүү нэвтэрхий толь нь хуучныг шинэ агуулга, хэлбэрээр баяжуулан төгөлдөржүүлж, шинэ соргог бүхнийг нэмж тусгасан, олон улсын толь зүй бүтээх арга, стандартыг чанд мөрдсөн чамбай бүтээл болжээ. Увс аймгийн нийгэм-эдийн засаг, соёлын хөгжлийн түүх, зан үйл, олон ястны өлгий болсон нутаг усны онцлог, алдарт хүмүүсийн намтар зэргээс дээжлэн оруулсан нь уншсан хэн бүхэнд үлгэрийн сайхан Увс нутгаар хоромхон зуур аялаад ирсэн мэт сэтгэгдэл төрөхүйц дорвилог бүтээл болсныг харуулна.