Монгол

Үндсэн хуулийн эрх зүй нь хүний эрхийг хамгаалж, төрийн эрхийг хязгаарлаж байдгаараа олон түмний төдийгүй, төр баригчдын анхаарлын төвд ямагт байсаар ирсэн. Парламент нь үндсэн хуулийн эрх зүйн нэг гол институци бөгөөд ард түмний төлөөлөгчдийн дээд байгууллагын хувьд мөн л нийтийн анхаарал, хэлэлцүүлгийн төвд оршиж байдаг.   Судлаач П.Амаржаргал уг сэдвийг хууль тогтоох эрх мэдлийн онол, сэтгэгчдийн үзэл баримтлал, гадаад, дотоодын судлаачдын судалгааны үр дүн, манай улсын Үндсэн хуулийг батлах үеийн хэлэлцүүлэг зэрэг эх сурвалжид үндэслэн судалснаа олон тмэндээ зориулан нийтийн хүртээл болгож байна.   Үндсэн хуулийн нэмэлт, өөрчлөлтийн тухай асуудлыг манай эрдэмтэн, судлаачид төдийгүй олон түмнээрээ сонирхон тольдож буй энэ цаг үед үндсэн хуулийн эрх зүй, хууль тогтоох эрх мэдлийн асуудлаар нарийвчлан судалж, өөрийн үзэл бодол, дүгнэлтээ дэвшүүлэх зорилгоор эдгээр илтгэл, өгүүллийг бичсэн болно.  