* Хэлсэн үг бүхэндээ эзэн нь өөрөө оршиж байдаг. * Шүлэглэдэг, аялгуулдаг чулуун судар дэлхийд ганцхан, тэр нь Монголын хээр талд буй. * Үгийг тэмдэглэсэн бичиг үсэгт амьд оюун санаа хадгалагддаг. * Үг бол манай ертөнцийн оюун санааны биежсэн эрдэнэсийн талст юм. Үй олон тэрхүү эрдэнэлэг талст утгын бөмбөрцөг дотор эвсэн цогцолж хүмүүн төрөлхтөний гэгээрлийн хүлэг нь болдог ажгуу. * Уул ус бол ертөнцийн оюун санааны туурвил буюу. Ухаант хүмүүн тэрхүү байгаль эхийн туурвилыг билгүүнийхээ мэлмийгээр уншиж тайлахын сацуу, цаг эрин бүрт өөрсдийн бүтээлийг уул устайгаа зохилдуулан цогцлоодог жамтай. * Манай дэлхийн ус мөрөн хоорондоо газрын судсаар холбогдож, түүнээс үлгэр домог эх авчээ. Үлгэр домог ч бас гол ус мэт хүний амьдрал намтарыг тэтгэн цаг хугацааны уртраг даган урсах буюу.