'The Essence and Value of Democracy' буюу 'Ардчиллын мөн чанар ба үнэт зүйл' хэмээх зохиол анх 1920 онд хэвлэгдэн гарсан бөгөөд дараа нь дахин нэмж засварласан хувилбар нь 1929 онд хэвлэгдсэн байна. Эл бэсрэг бүтээл эхний мөрнөөсөө дуусах хүртлээ орчин үеийн аж үйлдвэржсэн нийгмийн түүхийг өгүүлэх арван найм, арван есдүгээр зууны ардчилсан хувьсгалын үнэ цэнийг ухаарч ойлгоход тус дөхөм болохуйц чамбай сайн бүтээл билээ. Тэрээ эн тэргүүнээ дан ганц ардчиллыг тодорхойлох юм уу түүний түүхийг өгүүлсэнгүй. Нөгөөтэйгүүр энэ нь оршин буй дэглэмээ (ардчилсан ба ардчилсан бус) үнэлж цэгнэх боломжийг бидэнд олгож байна. Тодруулбал, орчин үеийн нийгэм дэх засаг төрийн янз бүрийн хэлбэрийг үнэлж боломжийг олгож, ардчилсан төрийн институциудын чанарыг шалгах нэвтэрхий толь гэлтэй.