Балданлхам бурханыг монголоор Цогт охин тэнгэр гэх бөгөөд эмэгтэй дүртэй тул ийнхүү нэрлэжээ. Балданлхам бурханд балин тахил өргөх зан үйл нь тухайн улс орон, ард түмэн төдийгүй хорвоо ертөнцийн амьтан бүгд ирж буй жилдээ эрүүл энх, амар амгалан байхын учир бэлгэдэлтэй. Лхам бурхантай холбоотой олон сонирхолтой түүх, домог болон авралын дээд Цагаан дара эх, өвлийн охин тэнгэр Гүнжинлхам, хүүхдийн бурхан Бүжинлхам зэрэг бурхадын тухай сонирхолтой мэдээллийг музейгээс эрхлэн гаргасан “Ач авралт охин тэнгэрүүд ба дара эх”номноос унших боломж байна. Тус ном музейн дэлгүүр, Интерном номын дэлгүүрийн төв салбарт худалдаалж байгаа тул та бүхэн яараарай.