Өнгөрсөн 10 жилийн турш зуршлын талаарх сэтгэлзүйн ухаан хөгжиж, бидний амьдрал ахуйд зуршлын талаарх ойлголтууд илүү гүнзгийрснээр 50 жилийн өмнө төсөөлөхөд ч бэрх байсан зүйлүүд боломжтой болсон. Одоо бид зуршил яагаад бий болж, хэрхэн зуршлаа өөрчилж болохыг мэддэг болсон. Өөрөөр хэлбэл, зуршил явагдах механизмыг мэддэг болсон гэсэн үг. Улмаар зуршлын механизмыг задлан шинжилж бид хүссэн хэмжээгээрээ зуршлаа удирдан залах аргыг мэдэж авсан. Мөн хэт их хоололтоос татгалзаж илүү их дасгал хийж илүү үр бүтээмжтэй ажиллангаа эрүүл чийрэг амьдрах аргыг ч мэдэж авсан. Мэдээжийн хэрэг зуршлаа өөрчилнө гэдэг нь үргэлж амархан зүйл байгаагүй, үр дүн нь тийм амархан ч илрээд байдаггүй. Гэвч зуршлаа өөрчлөх боломжтой.