Хүн болгонд өөрийн гэсэн хамгаалагч сахиусан тэнгэр (ангел) буюу монголчуудын хэллэгээр сахиус, харсан тэнгэр гэж байдаг ба хүнийг төрсөн цагаас нь насан туршид нь дагаж явдаг. Сахиусан тэнгэр биднийг янз бүрийн дайрлагаас хамгаалж хүнд бэрх цаг үед бусад сахиусан тэнгэрээс тусламж хүсдэг гэнэ. Сахиусан тэнгэр нь ихэвчлэн тухайн хүний өөрийнх нь асран хамгаалагч, ивээн тэтгэгчид байдаг ба хорвоо ертөнцөд нэгэн цаг үед амьдарч байсан сайхан сэтгэлт хүмүүсийн гэгээлэг сүнс юм уу бидний оршин буй ертөнцөөс илүү дээд шатны нарийн буюу гуравдагч ертөнцийн (сахиусан тэнгэр ангел эсвэл бүр түүнээс ч дээд шатлалын) гэгээлэг амьд биётүүд байдаг юм байна. Эдгээр нь дээд тэнгэрээс хүнийг төрөхөд нь эсвэл гэгээрэх замыг сонгосон тэр мөчид сэтгэл санаанд (сүнсэнд) илгээгддэг аж. Сахиусан тэнгэрүүд (ивээгчид) төрөл бүрийн статус (зэрэглэл)-тэй байдаг нь тэдгээрийн хүч чадал, боломж бололцооных нь түвшингээс хамаардаг хэрэг. Үүнийг тухайн хувь хүний өөрийнх нь зэрэг дэв, амьдралын чиг зорилго, гүйцэтгэхээр оноогдсон үүрэг хариуцлага зэргийг харгалзан олгодог.