Энэхүү номонд Монгол Улсын шүүхээс иргэний болон эрүүгийн хэргийн, эрүүгийн хариуцлагын бусад арга хэмжээг хэрэгжүүлэх талаар гаргасан шийдвэрүүдийг хэрхэн гүйцэтгэх тухай онол, эрх зүй, практик асуудлыг иж бүрнээр нь авч үзэн, Монгол Улсад ял эдлүүлэх талаарх хууль тогтоомж, холбогдох эрх зүйн зарим актуудын хэрэгжилтийг тусган харуулсан төдийгүй НҮБ, түүнчлэн Олон улсын байгууллагуудаас хорих болон хорихоос бусад төрлийн ял эдлүүлэх чиглэлээр гаргасан эрх зүйн баримт бичгийн агуулгыг таниулах, БНХАУ, ХБНГУ, АНУ, БНАСАУ, Франц, ОХУ зэрэг гадаадын зарим орны ял эдлүүлэх ажиллагаа, эрх зүйн зохицуулалтын тоймыг судлан үзэж тусгасан байна. Түүнчлэн шүүхийн шийдвэр гүйцэтгэх эрх зүйг судлагч оюутан, магистрант, докторант нарын бичих ажилбар, ангийн болон дипломын ажлын, түүнчлэн уншиж ашиглах дотоод, гадаадын эх сурвалжийн жагсаалт, тэдний мэдлэгийг сорих асуулт зэргийг оруулж өгчээ.