Хэл зохиолын хүрээлэнгийн ахмад эрдэмтдийн нэг Х.Лувсанбалданы мэндэлсний 90 жилийн ойд зориулан түүний тэртээх 1961 онд Ардын хувьсгалын 40 жилийн ойд зориулан хэвлүүлсэн 'Ачлалт номын тухай' 'SM. Т-Ш, fasc.12. Ред. Ц.Дамдинсүрэн. Уб., 1961,1V+150+37 х.' бүтээлийг нь кирил бичгээр хөрвүүлэн уншигч олондоо өргөн барьж байна. Х.Лувсанбалданы энэхүү бүтээл нь МЭӨ 200 оны үед зохиогдсон эртний хятадын ёс суртахууны тухай өгүүлсэн номын монгол орчуулгын талаарх анхны дорвитой судалгаа тул ийнхүү өнөөгийн уншигчдад толилуулах нь зүйтэй гэж үзсэн байна. Ийнхүү хэвлүүлэхдээ тухайн үеийн хэвлэлийн нөхцөлөөс шалтгаалж эх бичгийн гэрэл зураг бүдэг байсныг сольж уг номын өнгөт зураг, латин галиг, үгийн хэлхээний хамт хэвлүүлсэн Японы монголч эрдэмтэн Х.Курибаяашигийн бүтээлийг ашигласан болно.