Зохиолч, яруу найрагч Х.Дуламсүрэн 'Зүрхэнд унасан нүд' (2005), 'Сэтгэлийн зүйдэл' (2010) нэртэй шүлгийн түүврээ хэвлүүлсэн. Энэ удаад уншигч та бүхэнтэйгээ 'Нүцгэн ирсэн, нүцгэн буцна' хэмээх шүлгийн номоороо дахин золгож байна. _УУЧИЛСАН_ _Урваж шарвасан байлаа ч түүнийг би уучилсан Угтаа мөн чанар нэг л зүгт оршдог Уруудаж доройтож явсан ч би нэг л чигийг барьдаг Урсаж бүх зүйл өөрчлөгдөн холддог_ _Өнөөдөр жаргаж байвч маргааш юу хийсэн ирэхийг хэн ч үл мэднэ Өнөөдөр зовж шаналсан ч маргааш баярлаж хөөрөх цаг ирнэ гэдэгт итгэнэ Амьдралын эргэлдэн хөвөх агшин бүрд амжиж сайныг бүтээх хүслэн биелбэл Аз жаргалын үүдийг өөрөө нээснээс ялгаа нь ер үгүй ээ_ _Цаг хугацаа намайг орхин одсон ч би үл шантарна Цаашид юм бүхний төлөө өөрийгөө ирлэн хурцална Цагийн зүү эргэдгээрээ эргэнэ Цаг нь ирэхээр бид буцдагаараа буцна...._ _Буцахдаа мөрөөдөл үдэлсэн тэнгэрийн зөргөөр нар мишээлгэн буцна Ирэхдээ хүсэл дуудсан газрын хэвлийд солонго нумлуулсаар буцаж ирнэ ээ..._