Уншигч танд толилуулж байгаа энэ номонд Мандаж байгаа Нарны орны дундад зууны үеийн сэтгэлгээний өвөрмөц нууц ертөнц, сэтгэл хиртхийлгэсэн 'кайдан' нэртэй чөтгөр, хий үзэгдлийн тухай мартахааргүй өгүүлнэ. Түүхийн ахар богинохон хугацаанд соёл иргэншлийн атаархам өндөрлөгт хүрч хүн төрөлхтний маргаашийг өнөөдөр болгон наашлуулж байгаа 'японы гайхамшгийн' тухай сонсож бахархдаг уншигч бидэнд эл номонд багтсан эртний домог, үлгэрүүд нь японы цуцашгүй хөдөлмөрч ард түмний олон зууны туршид ягштал баримталсаар ирсэн хатуу дэг уламжлал, шашны үзэл бодол, ёс суртахууны үнэлэмжийн эх сурвалж, мөн чанарыг ойлгоход тус болох нь дамжиггүй.