Анагаах ухааны доктор, профессор, Оросын эрүүл мэндийн яамын нүдний эмчилгээний болон нөхөн засах бүх Оросын мэс заслын төвийн ерөнхий захирал, Оросын гавьяат эмч, 'Эх орны эрүүлийг хамгаалахад гарамгай гавьяа байгуулсны төлөө' медальт, дээд зэрэглэлийн мэс засалч, АНУ-ын Луисвилийн их сургуулийн хүндэт зөвлөх, Америкийн нүд судлалын академийн гишүүн, Мексикийн итгэмжлэгдсэн нүдний эмч, спорт аялалын мастер, ЗСБНХУ-ын гурван удаагийн аварга. Э.Р.Мулдашев бол оросын дэлхийд нэрд гарсан томоохон эрдэмтэн бөгөөд анагаах ухаанд хүний эд эсийг 'нөхөн сэргээх' мэс заслыг үндэслэгч, нүд шилжүүлэн суулгах мэс заслыг үндэслэгч, уг мэс заслыг дэлхийд анх удаа амжилттай хийсэн хүн юм. Одоо энэ эрдэмтэн бүхэл бүтэн эрхтэнийг өсгөвөрлөн бүтээх мэс заслын үндсийг боловсруулахаар ажиллаж байна. Тэр 100 орчим янзын мэс ажилбарыг бий болгож, 83 янзын нөхөн суулгавар эд- 'Аллоплант'-ыг үйлдвэрлэлд зохион нэвтрүүлж, 300 гаруй эрдмийн ажил нийтлүүлж, Орос хийгээд дэлхийн олон орноос 56 зохиогчийн эрх авсан байна. Тэрээр 40 гаруй оронд очиж лекц уншиж, мэс засал хийснээс гадна жил бүр 600-800 маш нарийн мэс засал хийдэг. Э.Р.Мулдашев Гималай, Төвд, Египетэд 5 удаа шинжилгээний аян зохион явуулж, нөхөн сэргээх мэс заслын асуудлуудыг гүнзгийрүүлэн судлах явцдаа гүн ухаан, түүхийн дуулиант олон нээлт гаргасан. Гималайн анхны судалгааны үр дүнгээрээ Э.Р.Мулдашев 'Хүн мичнээс үүсээгүй' ном бичсэн нь дэлхийн олон хэлнээ орчуулагдан, дахин дахин хэвлэгдсээр байна.