Энэхүү товмхимолыг эх түүх, уламжлалт гүн ухаан, үндсэн хуульт ёсны түүх хийгээд эрх зүйн сэтгэлгээг сонирхон судлагч хэн бүхэнд зориулан тэртээ 1920-иод онд бичсэн гар бичмэл эхээс нь орчин цагийн монгол хэлнээ хөрвүүлэн хүргэж байна. Зохиогч тус бүтээлээ бичихдээ эртний дорно дахины их сэтгэгчдийн бүтээл болон түүхийн сурвалж бичиг хийгээд тухайн үеийнхээ эрдэмт хүмүүсийн бүтээл зэргээс өргөн ашигласан байдаг. Тэрээр монголын феодалын нийгмийн хоцрогдол, феодал, дээд лам нарын улс орны ашиг сонирхлоос хувийн эрх ашгийг урьтал болгодог аминч үзэл, хуучныг ягштал баримталдаг үхээнц байдал, авилгач занг хурцаар шүүмжилж, хөрш зэргэлдээ болон дэлхийн хүчирхэг улсуудын жишгээр улс орноо хөгжүүлэн баян хүчирхэг болгохыг уриалсан дэвшилт ардчилсан үзэлтнүүдийн үзэл санаа нь монголын нийгэм, засаг төрийн байгуулал, хууль цаазын тогтолцоог зайлшгүй өөрчлөн шинэчлэх шаардлагатай гэсэн дүгнэлтэд хүргэжээ. Энэ дүгнэлт нь цаашид хэмжээт цаазат төр, хөрөнгөтний бүгд найрамдах засаг, бошгыг халах намын үзэл санаагаар баяжигдан хөгжсөн юм.