Сонгууль бол төрийн дээд байгууллага болох хууль тогтоох эрх мэдлийг бүрдүүлэх үйл явц юм. Сонгуулийн үйл ажиллагаа нь бүхэлдээ нарийн зохицуулагдсан хууль тогтоомжийн дагуу явагддаг. Улсын Их Хурлаас 2015 оны 12 сарын 25-ны өдөр батлагдсан 'Сонгуулийн тухай хууль'-д нэр дэвшигч болон сонгуулийн харилцаанд оролцогч бусад этгээдүүдийн хоорондын харилцааг нарийн зохицуулсаны зэрэгцээ онцгой анхаарал тавихыг шаардсан байна. Иймд нэр дэвшигч болон менежер, шадар туслагч, ухуулагч, хандивлагч, ажил гүйцэтгэгч, хуульч, түрээслүүлэгч зэрэг иргэн, хуулийн этгээдтэй гэрээ байгуулж хоорондын харилцаагаа хуулийн хүрээнд илүү тодорхой, журамлан зохицуулах зүй ёсны шаардлагатай болсон. Тиймээс сонгуулийн үйл ажиллагаанд ашиглаж болох хуулиар зайлшгүй болон хэрэглэвэл зохих гэрээний үлгэрчилсэн загваруудыг энд боловсруулсан оруулжээ.