Монгол

Номын зохиогч Л.Доржням найруулах, жүжиглэхүйн урлагийг сонирхон шохоорхож буй залуусдаа гарын авлага болгох, шинэ санаа сэдэл өгөх зорилгоор арваад жил жүжигчний мэргэжил эзэмшүүлэхээр багшилж байсны хувьд хуримтлуулсан туршлагаасаа хуваалцан зөвлөгөө, сургамж болох зүйлүүдийг нэгтгэн таны өмнө ном болгон толилуулж байна. Уг номонд урлагийн тухай, найруулагчийн уран чадвар, ёс зүй, жүжигчний авьяас, дүрийг урнаар сэтгэх, дүр бүтээх ажиллагаа, олны хэсэг, туслах дүрийн жүжигчний үүрэг, амьдрал судлах тухай товч дурьдаад 10 шахам этюд судалбар, 20 гаруй богино хэмжээний уран сайхны кино зохиолоо оруулжээ.  