Монгол

100 буудалт даам өндөр түвшинд хөгжсөн Голланд улсын дасгалжуулагч, Дэлхийн даамын холбооны мастер, хүүхэд багачуудад зориулсан даамны програм DamMentor- ийн зохиогч Tjalling Geodemoed-ын энэхүү анхан шатны сурах бичиг нь даам эхлэн суралцаж байгаа хүүхдүүд болон сонирхогчдод зориулагдсан бөгөөд өөрөө сурах гарын авлага ном юм. Уг ном нь тоглолтын үед тохиолдож болох тактикын энгийн цохилтуудыг болон дүрмүүдийг тайлбарлан ойлгуулж, хялбархан дасгалуудаар бататгаж авахаар зохиогдсон ба хүү, даамаар цохилт хийх, хүүг довтлох болон хамгаалах, даамаар тоглох, өрсөлдөгчөө нүүдэлгүй болгох зэрэг даамын тоглолтын чухал асуудлуудыг тусгажээ.  