Монгол

Хүн ба байгалийн харилцан шүтэлцээний хамааралд орших үй түмэн, юмс үзэгдлүүд судлагдсаар хэдий ч түүн дотроос судлагдаагүй, тайлагдаагүй оньсого мэт зүйл дэндүү их, харин тайлах түлхүүр л чухал. Архитектур мэргэжил даяаршлын ертөнцөд шинэ үзэл баримтлал-гуманизмыг түгээн эрин зууныг элээсээр дэвшил хөгжилд урагшлан ахисаар. Цаг хугацаа улиран одсоор эдүгээ XXI зууны нано- технологийн талбарт шинжлэх ухааны олон салбарууд өрсөлдөж шинэ бүтээн байгуулалт ололтуудаар дүүрэн байна. Модернизмын хөгжлийг та бидний эрин үед шинэ шатанд хүргэн байгалийн юмс үзэгдлийн унаган зүй тогтол, түүний уялдаа холбоо, биенээсээ үл хамаарах шилжилт хөдөлгөөн, дотоод мөн чанар, хувьсал хувирал бүтэцийн физик механик шинж чанартай холбон, дүрслэгдэн харагдах гэнэтийн төгс зохиомжийг олсоор түүнийгээ торгон мэдрэмжээр судлан шинжилж абстракт утопи үзлээр задлан, архитектурын орон зайд цогцлоон харуулж чадсан дэлхий дахиныг гайхшруулсаар яваа судлаач, зохион бүтээгч-архитектор эмэгтэйн төсөл ажлуудын заримаас толилуулж байна. Энэхүү нэр хүндтэй гайхамшигтай мэргэжлийг эзэмшихээр зориг шулуудан, шамдан суралцаж буй оюутан залууст, архитектор мэргэжлийг эзэмшигч болон сонирхогч нийт эрхэм уншигч та бүхэнд багцлан хүргэж байна.  