Манай оронд радио электроникийн салбар ихээхэн хурдацтай хөгжихийн зэрэгцээ бидний амьдралд өргөнөөр нэвтэрч өдөр тутмын хэрэгцээ болж байна. Хөгжлийн энэ хурдыг хөөж гүйцэхийн тулд ард иргэд радио электроникийн талаар анхан шатны мэдлэгтэй байх нь чухал байна. Өмнө нь радио электроникийн цогц ойлголтыг нэгтгэн хэвлэсэн ном сурах бичиг монгол хэлээр байхгүй байсныг харгалзан үзэж энэхүү номыг орос хэлнээс хөрвүүлэн ахлах ангийн сурагчид болон радио электроникийн мэдлэгээ гүнзгийрүүлэх хүсэлтэй оюутан сурагч, багш нарт зориулан гарын авлага болгон гаргажээ. Энэ номонд электрон удирдлагатай ламп, хагас дамжуулагч ба гэрлийн электрон хэрэгслүүд, өсгөгч болон генераторуудын хийц ба ажиллах зарчмын тухай өгүүлнэ. Мөн орчин үеийн радиоэлектрон төхөөрөмжүүдийг тооцоолох харьцаа ба бүдүүвчүүдийг агуулахын зэрэгцээ цахилгаан тэжээлийн хоёрдогч үүсгүүр, радио холбоо, радио өргөн нэвтрүүлэг, телевиз ба радиолокацийн талаар үндсэн ойлголтыг оруулсан байна.