Монгол

Унгарын монголч эрдэмтэн Обрущанскийн Борбола Европ дахь Хүннүгийн түүх, соёлын тухай хэд хэдэн цуврал өгүүлэл бичсэн юм. Обрущанскийн Борбола бол эртний Монгол нутгаас цойлон гарч одсон Хүннү нарын туулж өнгөрүүлсэн тэр түүхэн замаар, Хүннү нарын дайрч өнгөрсөн Евроазийн бараг бүх улс орны нутгаар өөрөө бараг бүтэн явж үзсэн хүн юм. Түүний судалгааны ажилдаа хийсэн гярхай ажиглалт, харьцуулалт нь судлаач нарын анхаарлыг зүй ёсоор татдаг. О.Борбола судлаачийн энэхүү бүтээлд Хүннүгийн төр улсын түүх, соёл огтхон ч устаж үгүй болоогүй Европ, Азийн олон улс орнуудад Хүннүгийн төрт ёсны асар их уламжлал уламжлагдан хадгалагдсан, өнөөг хүртэл хэрэглэсээр байгаа маш олон нотлох баримтаар өгүүлсэн болно.  