Техник технологи хөгжихийн хирээр түүнийг автоматжуулах, хэлний доод түвшинд програмчилах асуудал маш ихээр тулгарч байна. Эдгээр асуудлыг шийдвэрлэх боломжтой програмчилалын хэлний нэг бол Си хэл юм. Си хэл нь програмчилалын доод түвшинд үйлдлүүдийг гүйцэтгэдэг функц, хувьсагч, функц дээр заагчийг хэрэглэх, бааз төрлийн өгөгдлийг обьект хэлбэрээр дүрслэх, програмчилалын бусад хэлтэй холбогдох, оруулах гаргах үйлдлийг гүйцэтгэх, санах ойг динамикаар хуваарилах, процессыг удирдах оператор болон функцийн баялаг сантай байдаг. Си хэлийг алгоритмын үндсэн ойлголттой бөгөөд цаашид програм бичих сонирхолтой хүмүүст програмчилалын суурь мэдлэг олгоход ашиглахаас гадна системийн програмчилалын бодлогод, тухайлбал транслятор, үйлдлийн систем, дэлгэцийн интерфейсийг боловсруулахад хэрэглэх нь илүү тохиромжтой. Энэ номонд тусгагдсан онол болон жишээ програмыг судалснаар Turbo C, Borland C, Microsoft C++, C# дээр програм бичих чадвартай болно.