Дизайн нь XX зууны турш соёлын болоод өдөр тутмын амьдралын томоохон үзүүлэлт болсоор иржээ. Дизайны хамрах цар хүрээ нь асар өргөн агаад үүнд: Гурван хэмжээст объектууд, график коммуникаци, нэгдмэл системүүд гэхчилэн мэдээллийн технологиос эхлээд их хотын орчин нөхцөл, төлөвлөлтийг хүртэл өргөн хүрээнд хамардаг. Бүтээгдэхүүнийг үйлдвэрлэхээр төлөвлөн санааг нь гаргах зэрэг хамгийн нийтлэг утгаар нь авч үзвэл дизайн нь үндсэндээ амьдралын чанарыг сайжруулах хэрэгсэл гэж тодорхойлогддог. Энэхүү XX зууны дизайны талаарх товч судалгаа нь дизайны онол болон практикийн явцыг тодорхойлсон, үндсэн гэж үзэж болох стиль, урсгалуудын талаарх мэдээллийг багтаасан бөгөөд дизайн сонирхогч, мэргэшихээр суралцагч хэн боловч өмнөх үеийн дизайны хөгжил, шийдлүүдийн талаар үндсэн ойлголтыг авахад дөхөм болно.