Монгол

Шатар нь спорт, урлаг, шинжлэх ухааны цогцолбор болохыг бүгд нэгэн дуугаар хүлээн зөвшөөрдөг билээ. Сайхан тоглолт, гоё комбинацийн олон санаа бүхий шатрын өргийн төгсгөлийг уран сайхнаар илтгэн харуулдаг, сэтгэлгээний уран бүтээлийн нэг төрөл нь этюд юм. Энэхүү уран бүтээлийн төрлөөр олон улсын дэвжээнд Монголынхоо нэрийг удаа дараа гаргасан амжилтаараа шатрын бодлого зохиомжийн спортын мастер цолыг 1985 онд хүртсэн Б.Буяннэмэх өөрийн дагнан зохиож байсан этюд буюу шатрын бодит өргийн зохиомол төгсгөлийн тухай мэргэн уншигч та бүхэнд багахан ч атугай ойлголт өгөхийг зорьжээ.   Тэрэг, морины хослолын тоглолтоор дэлхийн сонгодогуудтай дүйцэх хэмжээний бүтээл туурвигч Б.Буяннэмэхийн бичсэн Монголын этюдийн анхны энэ ном шатрын сургалт, судлагаа, сурталчилгаа болон мэдээллийн асар их ач холбогдолтой болно.  