Сүүлийн жилүүдэд ногоо тариалагчдын дунд нийлэг хальсан хүлэмж барьж лооль, хэмх тариалах сонирхол ихэд өсч байна. Монгол улсын гавъяат агрономич, ХАА-н ухааны доктор Ш.Оросоо нь Дархан, Эрдэнэт, Улаантолгой, Улаанбаатар хотын ногооны сангийн аж ахуйд ажиллаж хүлэмжийн аж ахуйн талаар хуримтлуулсан туршлагадаа тулгуурлан хүлэмжийн аж ахуйн талаар нийлэг хальсан байгууламжийн төрөл, хүлэмж, дарлага, бусад төрлийн байгууламж, нийлэг хальсан байгууламжид хүнсний ногоо ургуулах бичил орчинг бүрдүүлэх аргууд болон хүнсний ногоо ургуулах технологи зэргийн талаар бичжээ.