Сүүлийн жилүүдэд төр засгаас ихээхэн анхаарч иргэд, аж ахуйн нэгжүүдэд олон зуун нийлэг хальсан хүлэмжийг хөнгөлттэй нөхцлөөр олгосон бөгөөд цаашид дулааны системтэй хүлэмжүүдийг адил нөхцлөөр нийлүүлэх арга хэмжээ авч байна. Монголчуудын хувьд өөрийн эх орны хөрсөнд тарьж ургуулсан экологийн цэвэр хүнсний ногоог импортын хүнсний ногооноос илүүд үзэж хүнсэндээ түлхүү хэрэглэх хандлагатай болсон. Зах зээлийн энэхүү хэрэгцээ, шаардлагыг даган хотын бүс орчимд ногооны тариалан эрхлэгч иргэд, аж ахуйн нэгжүүдийн тоо жилээс жилд нэмэгдэж байгаа билээ. Энэ ном тэдгээр хүмүүст өөрийн үйлдвэрлэлээ зөв зохион байгуулж явуулах, ашиг орлогоо нэмэгдүүлэхэд чухал гарын авлага болно гэдэгт найдаж байна.