Уг номын зохиогчид эх барих, эмэгтэйчүүдийн мэдээгүйжүүлэг, эрчимт эмчилгээ, сэхээн амьдруулах мэргэжлээр 30 шахам жил ажилласан туршлагадаа тулгуурлан энэ мэргэжлийг эзэмшиж байгаа болон залуу эмч нарт бага ч атугаа тус нэмэр болоосой хэмээн энэхүү номыг туурвижээ. Эл номонд эх барихын шалтгаант цочмог цус алдалт, үжил, үжлийн шок, судсанд түгмэл бүлэгнэх хамшинж, бөөрний цочмог хаван, Преэклампси, эклампси, HELLP хамшинж, ураг орчмын шингэнээр бөглөрөх, Кесар хагалгааны дараах перитонит, жирэмсэн үеийн зүрх-уушгины сэхээн амьдруулах арга хэмжээ зэрэг асуудлуудыг авч үзсэн байна. Мөн ДЭМБ болон Монгол улсын стандарт, бусад эмнэлзүйн удирдамжинд тусгагдсан өөрөөр хэлбэл Монгол улсын хэмжээнд болон олон улсад мөрдөгдөж буй оношлогоо, эмчилгээний орчин үеийн аргуудыг түлхүү оруулжээ.