Бодисын нано кристалл бүтэц
Бодисын нано кристалл бүтэц
Зохиолчийн бусад номууд
Ихэвчлэн хамт авдаг
Дээрх бүтээлийг авсан хэрэглэгчид ихэвчлэн эдгээрийг хамтад нь авдаг.
Санал болгох
Танилцуулга
Энэ ном нь орчин үеийн физик судалгааны арга болох нейтрон, рентген, синхротрон туяаны дифракцын онолын үндэс, судалгааны багаж төхөөрөмж, хэмжилтийн арга зүй, хатуу биеийн соронзон болон кристалл бүтцийн фазын шилжилт, наноматериал, квант физик ба нано физикийн уялдаа, хэмжээсийн эффект ба физик шинж чанар, нано бүтэц, нано бөөмийн хэмжээг тодорхойлох дифракцын арга зэрэг чиглэлийг хамарсан эрдэм шинжилгээний нэг сэдэвт бүтээл юм. Уг номонд янз бүрийн төлөвт орших бодисын бүтцийн мөн чанар, тэдгээрийн симметр зүй тогтол, нано кристалл бүтэц үүсэх нөхцөл, шалтгаан, устөрөгчит энергийн үүсгүүр, хатуу түлш (fuel cell)-ний ажиллах зарчим, хэрэглээ зэрэг сүүлийн үед анхаарал татаж байгаа олон асуудлыг орчин үеийн физикийн онол, эгэл бөөмс, цөмийн физикийн тулгуур ойлголтууд, математикийн группын онолыг ашиглан шинжлэх ухааны ойлгомжтой хэлбэрээр тайлбарлажээ. Нийт 12 бүлэг, 42 дэд бүлэг, 159 хэсэгтэй энэхүү номыг их дээд сургуулийн физик, хими, материал судлал, кристаллограф, нанотехнологийн мэргэжлийн оюутан, докторант, их дээд сургуулийн багш, эрдэм шинжилгээний ажилтнуудад сурах бичиг, гарын авлага, байгаль шинжлэл сонирхогчид ширээний ном болгон ашиглаж болно.
Үзүүлэлт
- ISBN-13 : 978-99962-834-5-1
- Худалдаанд гарсан огноо : 2011-01-01
- Формат : Зөөлөн хавтастай
- Нүүрний тоо : 415 нүүр
- Бүтээлийн хэл : Монгол
- Жин : 710 гр
- Хэмжээс : 260 x 180 x 22 мм
| ISBN-13 | 978-99962-834-5-1 |
|---|---|
| Худалдаанд гарсан огноо | 2011-01-01 |
| Формат | Зөөлөн хавтастай |
| Нүүрний тоо | 415 нүүр |
| Бүтээлийн хэл | Монгол |
| Жин | 710 гр |
| Хэмжээс | 260 x 180 x 22 мм |
Зохиолчийн талаар
1971 онд Архангай аймгийн Тариат сумын 10-н жилийн дунд сургууль, 1976 онд МУИС-ийн физикийн анги төгссөн. 1976-1984 онд МУИС-д багш, 1984-1991 онд ОХУ-ын Дубна хот дахь Цөмийн ШинжилгээниЙ Нэгдсэн Институт (ЦШНИ)-д эрдэм шинжилгээний ажилтнаар, 1991-2005 онд МУИС-ийн Физикийн факультетэд багш, физикийн тэнхимийн эрхлэгч, деканаар, 2005-2009 онд ШУА-ийн Физик, технологийн хүрээлэнгийн захирлаар, 2009-2013 онд ЦШНИ -ийн лабораторийн эрдэм шинжилгээ эрхэлсэн дэд захирлаар, 2013 оны III сараас ШУА-ийн ФТХ-ийн салбарын эрхлэгч, Цацрагийн физикийн лабораторийн эрхлэгч, 'Нано хэмжээст материалын судалгаа' сэдэвт ажлын удирдагчаар ажиллаж байна. 1990 онд Москвагийн их сургуулийн Физикийн факультетэд физик-математикийн ухааны дэд эрдэмтний зэргийг, 2002 онд Монгол Улсын Шинжлэх ухааны академид физик-математикийн шинжлэх ухааны докторын зэргийг хамгаалж, 2004 онд МУИС-ийн профессор цол хүртсэн. Профессор Д.Сангаа эрдэм шинжилгээнийхээ ажлын үр дүнгээр 200 гаруй өгүүлэл бичиж дотоод, гадаадын эрдмийн бүтээлүүдэд хэвлүүлсэн төдийгүй 'Материал судлал', 'Бодисын нанобүтэц', 'Наноматериалын судалгааны нейтрон сарнилын аргууд' зэрэг сурах бичиг, 'Физикийн тулгуур нээлтүүд ба Нобелийн шагналтнууд' зэрэг шинжлэх ухаан, танин мэдэхүйн 20 шахам ном, гарын авлага бичиж хэвлүүлсэн байна. Профессор Д.Сангаа нь 1993-1998, 2008-2011 онуудад ЦШНИ-ийн Эрдмийн зөвлөлийн гишүүн, 1994-2004 онд Физик, математикийн ухаанаар эрдмийн зэрэг хамгаалуулах зөвлөлийн гишүүн, 2000-2005 онд Олон улсын физикийн олимпиадын хорооны гишүүн, 2002 оноос Азийн кристаллографийн холбооны гишүүн, ШУА-ийн Бага чуулганы гишүүн, 2006-2011 онд Монгол Улсын Цөмийн энергийн комиссын гишүүнээр сонгогдон ажиллаж байсан. Английн Резорфордын нэрэмжит Нейтроны сарнилын төв, ХБНГУ-ын Дармштадтын Технологийн их сургууль, ХБНГУ-ын Берлиний Нейтрон сарнилын хүрээлэн, Франц улсын Ле Мансын их сургууль, Польш улсын Познань хотын их сургууль, Чех улсын ШУА-ийн Физикийн хүрээлэн, Тайвань улсын Синрхотроны судалгааны төв зэрэг олон эрдэм шинжилгээний төвүүдэд ажллаж ирсэн эрдэмтэн багш билээ.
Хэрэглэгчийн сэтгэгдэл
0.0 үнэлгээтэй
Нийт 0 сэтгэгдэл
Сэтгэгдэл үлдээх
Бусад үйлчлүүлэгчидтэй санал бодлоо хуваалцаарай
Та сэтгэгдэл бичихийн тулд нэвтэрсэн байх ёстой.
Нэвтрэх
Хэрэглэгчийн сэтгэгдэл байхгүй