Мирзакарим Санакулович Норбеков бол сэтгэл судлал, сурган хүмүүжүүлэх ухааны доктор, анагаах ухааны философийн доктор, профессор, оросын болон гадаадын хэд хэдэн академийн жинхэнэ сурвалжлагч гишүүн, шинжлэх ухаанд патенттай олон бүтээл, нээлтийн эзэн билээ. Түүний бичсэн энэ ном хэн нэгэнд дургүйцэл, дайрч давшлах хүсэл төрүүлж мэдэх боловч хэн нэг нь ердийн бус бичлэгийн хэлбэрийн цаанаас ямар нэг үнэн, ямар нэг нандин зүйлийг өөртөө нээж авах болно. Нэг үгээр хэлбэл, далд утгыг тааж унших, хүний зүрх сэтгэлийг нүдээрээ харах, юмсын уг мөн чанарыг нээн илрүүлэх чадварыг тодорхойлох сорилгын ном юм.