Говь-Алтай аймгийн Чандмань сумын уугуул. Аялал жуулчлалын менежер, англи хэлний орчуулагч мэргэжилтэй. МУЗН-ийн Ерөнхий нарийн бичгийн дарга, Монгол улсын шилдэг менежер, шилдэг маркетер. 'Монголын хүүхдийн нэвтэрхий толь' олон боть цувралыг эрхлэн гаргагч, ерөнхий редактор. 'Дэлхийн дэвшилт залуучуудын хөдөлгөөн' 1981 он, 'Молодежь Монголий в борьбе за мир' 1983 он 'орос хэлээр', 'UNICEF in Mongolia' 1996 он 'англи хэлээр', 'МУЗН-ийн өөрчлөлт, шинэчлэлт' (I, II, III, IV боть), 2000, 2002, 2003, 2007 он, 'МУЗН айсуй цагийн босгон дээр' 2002 он, 'Англи-Герман хэл сурах зурагт хуанли' 2002 он, 'Миний сайхан Алтай' 2003 он, 'Сүүний фермийн аж ахуй' 2003 он, 'Red cross dictionary glossary' 2003 он, 'Тэнгэрлэг тавилан' 2003 он, 'Малчдын удам танаа' 2004 он, 'Улаан Загалмайн бяцхан ном' 2005 он, 'Шувууны фермийн аж ахуй' 2005 он, 'Гар хадлан бэлтгэх технологи' 2005 он, 'Нигүүлсэнгүй үйлстнүүд' 2006 он, 'Хүмүүнлэгийн бурхад' 2006 он, 'Гахайн фермийн аж ахуй' 2007 он, 'Адууны засал оршвой' 2007 он, 'Өөрөө бүтсэн ном' 2008 он, 'Улаан Загалмайн толь бичиг' 2009 он, 'Улаан загалмайн нэр томьёоны тайлбар толь бичиг' 'англи-монгол' 2011 он зэрэг ном туурвиж, судалгааны болон асуудал дэвшүүлсэн олон өгүүлэл бичсэн.

Говь-Алтай аймгийн Алтай суманд төрсөн. Нохой жилтэй. 1967 онд Алтай хотын 10 жилийн 1-р сургуулийн 10-р анги, 1983 онд Москва хотын Ломоносовын Улсын Их сургуулийг Эрдэс судлаач мэргэжлээр төгссөн. Геологийн төв лабораторид ажиллах хугацаандаа чулуу судлаач, хүдэр судлаач мэргэжлийг эзэмшсэн. 1973 оноос хойш одоо хүртэл энэ мэргэжлээрээ ажиллаж байна. Эрхэлсэн ажилдаа амжилт гаргасан учир Тэргүүний геологич цол, тэмдэг, Засгийн газрын хүндэт жуух бичиг, Хөдөлмөрийн хүндэт медаль, Алтан гадас одонгоор тус тус шагнагдсан. 2007 онд 'Эрдэнэсийн чулуу-тансаг хэрэглээ' ном бичиж олны хүртээл болгосон. Сонирхдог хобби нь эрдсийн чулуу, түүгээр хийсэн төрөл бүрийн эдлэл, түүний дотор хөөрөг. Шатрын спортын мастер цолтой.