Уншигч таны гарт «анхны америк хүн» гэгддэг улс төрч, засаглагч, дипломатч, сэтгүүлч, бизнесмэн, эрдэмтэн, дэлхийн түүхнээ алдаршсан гайхамшигт хүмүүн Бэнжамин Франклины Миний Намтар ном монгол хэлнээ хөрвүүлэгдэн очоод байна. Энэ эрхэм хүний дүр танд хаа нэгтээ харсан мэт танил санагдаж магадгүй. Тийм ээ, америкчууд өөрсдийн улс нийгмийг үндэслэгчээ үеийн үед дурсан санахаар 100 долларын мөнгөн дэвсгэртдээ хөрөг болгон залсныг анзаарсан тань тэр болов уу. Тэрээр АНУ-ын Тусгаар тогтнолын тунхгийг үзэглэж, тусгаар тогтнолын дайнд гар бие оролцож байснаараа Америкийг үндэслэгч эцгүүдийн жагсаалтын тэргүүнд зүй ёсоор орж, хойч үеийнхнийхээ бахархал хүндлэлийг хүлээж ирсэн билээ.